കൊച്ചി: അയോധ്യയിലെ ശ്രീരാമക്ഷേത്രത്തില് പൂജിച്ച അക്ഷതം നടന് മോഹന്ലാല് ഏറ്റുവാങ്ങി. ആര്എസ്എസ് പ്രാന്ത പ്രചാരക് എസ് സുദര്ശനില് നിന്നാണ് മോഹന്ലാല് അക്ഷതം ഏറ്റുവാങ്ങിയത്.
മോഹന്ലാല് അക്ഷതം ഏറ്റുവാങ്ങുന്നതിന്റെ ചിത്രം ബിജെപി സംസ്ഥാന പ്രസിഡന്റ് കെ സുരേന്ദ്രന് ഫെയ്സ്ബുക്കില് പങ്കുവെച്ചിട്ടുണ്ട്.
സൂര്യഗ്രഹണം നീങ്ങി ദീപാലംകൃതയായി കഴിഞ്ഞു അയോധ്യ. ശ്രീരാമചന്ദ്രനെ വരവേല്ക്കാന് നാടും നഗരവും ഒരുങ്ങിക്കഴിഞ്ഞു. മലയാളത്തിന്റെ പ്രിയനടന് മോഹന്ലാല് സംഘത്തിന്റെ പ്രാന്തപ്രചാരകന് സുദര്ശന്ജിയില് നിന്ന് അക്ഷതം ഏറ്റുവാങ്ങി. കെ സുരേന്ദ്രന് ഫെയ്സ്ബുക്കില് കുറിച്ചു.
സംഘപരിവാര് നേതാക്കളായ എ ജയകുമാര്, ജഗ്ഗു സ്വാമിജി, ടി സനോജ് തുടങ്ങിയവര് മോഹന്ലാല് ഏറ്റുവാങ്ങുമ്പോള് ഒപ്പമുണ്ടായിരുന്നു.
സിനിമ മേഖലയിലെ നിരവധിയാളുകൾ അക്ഷതം ഈയടുത്ത് ഏറ്റുവാങ്ങിയിരുന്നു. നടൻ ശ്രീനിവാസൻ, ഉണ്ണി മുകുന്ദൻ, ബാലതാരം ദേവനന്ദ, നടി ശിവദ, സംവിധായകൻ വിനയൻ തുടങ്ങിയവർ കഴിഞ്ഞദിവസങ്ങളിൽ അക്ഷതം സ്വീകരിച്ചു. പൂജ അനുഷ്ഠാനങ്ങളിൽ ഉപയോഗിക്കുന്ന ഒരു പൂജാദ്രവ്യമാണ് അക്ഷതം.
പ്രതികരിക്കാൻ ഇവിടെ എഴുതുക