കല്പ്പറ്റ: വയനാട്ടില് ഇറങ്ങിയ ബേലൂര് മഖ്ന എന്ന ആനയ്ക്കൊപ്പം മറ്റൊരു മോഴയാന കൂടി. ആനകളുടെ ആകാശ ദൃശ്യങ്ങള് വനം വകുപ്പ് പുറത്തുവിട്ടു.
അതേസമയം കാട്ടാനയെ മയക്കുവെടിവച്ചു പിടികൂടാനുള്ള മൂന്നാം ദിവസത്തെ ദൗത്യം അവസാനിച്ചു.
രാവിലെ കാട്ടിക്കുളം ഇരുമ്പുപാലത്തിന് അടുത്തെത്തിയ ആനയെ മയക്കുവെടി വയ്ക്കാനായി ദൗത്യസംഘം കാട്ടില് പ്രവേശിച്ചിരുന്നു. എന്നാല് ആനയെ വെടിവയ്ക്കാനായില്ല.
അടിക്കാട് നിറഞ്ഞ സ്ഥലത്തായിരുന്നു ആന നിലയുറപ്പിച്ചത്. മനുഷ്യ സാന്നിധ്യം തിരിച്ചറിയുന്നതോടെ ആന അടിക്കാടിനുള്ളിലേക്കു കയറുന്നതു ദൗത്യസംഘത്തിന് വെല്ലുവിളിയായി.
മറ്റു ജില്ലകളില് നിന്നുള്പ്പെടെയുള്ള 200 പേരടങ്ങുന്നതാണ് ദൗത്യസംഘം. കൂടെ നാല് കുങ്കിയാനകളും ഉണ്ട്.
പ്രതികരിക്കാൻ ഇവിടെ എഴുതുക