കൽപ്പറ്റ: വയനാട് കമ്പമലയിൽ വീണ്ടും മാവോയിസ്റ്റുകൾ. തിരഞ്ഞെടുപ്പ് ബഹിഷ്കരിക്കാൻ ആഹ്വാന ആഹ്വാനം ചെയ്തു. ഇന്ന് രാവിലെ 6.15 ഓടെയാണ് മാവോയിസ്റ്റ് സംഘം ഇവിടെ എത്തിയത്. 20 മിനിറ്റോളം തൊഴിലാളികളുമായി സംസാരിക്കുകയും മുദ്രാവാക്യം വിളിക്കുകയും ചെയ്തു.
സംഘത്തിൽ നാല് പുരുഷന്മാരാണുണ്ടായിരുന്നത്. രണ്ടു പേരുടെ കയ്യിൽ ആയുധങ്ങളും ഉണ്ടായിരുന്നു. സിപി മൊയ്തീൻ സംഘത്തിൽ ഉണ്ടായിരുന്നതായി നാട്ടുകാർ പറഞ്ഞു. തൊഴിലാളികൾ താമസിക്കുന്ന പാടിയോട് ചേർന്ന ജങ്ഷനിലാണ് മാവോയിസ്റ്റുകൾ എത്തിയത്.
തുടര്ന്ന് മക്കിമല ഭാഗത്തേക്കാണ് മാവോയിസ്റ്റ് സംഘം നീങ്ങിയത്.മാവോയിസ്റ്റുകൾക്കെതിരെ നാട്ടുകാർ പ്രതിഷേധിച്ചു. സ്ഥലം വിടാന് നാട്ടുകാര് ആവശ്യപ്പെട്ടു.പ്രദേശത്ത് മാവോയിസ്റ്റ് സാന്നിധ്യമുള്ളതായി ഇന്റലിജൻസ് റിപ്പോർട്ടുണ്ടായിരുന്നു.
മാസങ്ങള്ക്ക് മുൻപ് പ്രദേശത്തെ വനം വികസന കോർപറേഷന്റെ ഓഫീസ് മാവോയിസ്റ്റുകള് അടിച്ചുതകർത്തിരുന്നു. പിന്നീട് കമ്പമല ഭാഗത്തു നിന്ന് രണ്ട് പേരെ പിടികൂടി. അതിനുശേഷം പ്രദേശത്ത് ഏറെക്കാലം മാവോയിസ്റ്റുകളുടെ സാന്നിധ്യം ഉണ്ടായിരുന്നില്ല.
കഴിഞ്ഞ വര്ഷം സെപ്റ്റംബര് മാസത്തില് മാവോവാദി സംഘമെത്തി കമ്പമലയില് പ്രവര്ത്തിക്കുന്ന വനം വികസന കോര്പ്പറേഷന് മാനന്തവാടി ഡിവിഷണല് മാനേജരുടെ ഓഫീസ് തകര്ക്കുകയും ജീവനക്കാരെ ഭീഷണിപ്പെടുത്തുകയും ചെയ്തിരുന്നു. സായുധരായ അഞ്ചംഗ സംഘമാണ് തൊഴിലാളികള്ക്ക് ഐക്യദാര്ഢ്യമെന്ന പേരില് ഓഫീസില് നാശം വരുത്തി മടങ്ങിയിരുന്നത്.
പ്രതികരിക്കാൻ ഇവിടെ എഴുതുക