തിരുവനന്തപുരം: പെട്രോള്-ഡീസല് നികുതിയില് നിന്നുള്ള അധിക വരുമാനത്തില് ഒരു ഭാഗം ഉപേക്ഷിക്കാന് കേരള സര്ക്കാര് തീരുമാനിച്ചു. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം ഉണ്ടായത്. ഇന്ധന നികുതിയില് നിന്നുള്ള അധിക വരുമാനത്തിന്റെ ഒരു ഭാഗം ഉപേക്ഷിക്കാനാണ് സര്ക്കാര് തീരുമാനമെന്ന് മുഖ്യമന്ത്രി പിണറായി വിജയന് വ്യക്തമാക്കി. ചെങ്ങന്നൂര് ഉപതെരഞ്ഞെടുപ്പിന് ശേഷം ഇന്ധനവില കുറക്കുമെന്ന് ധനമന്ത്രി തോമസ് ഐസക് നേരത്തെ പറഞ്ഞിരുന്നു.
ഇതോടെ പെട്രോളിനും ഡീസലിനും ഒരു രൂപയുടെ കുറവാണുണ്ടാകുക. ജൂണ് 1 മുതല് പുതുക്കിയ നിരക്ക് നിലവില് വരും. പെട്രോളിന് 32.02 ശതമാനവും (19.50 രൂപ) ഡീസലിന് 25.58 ശതമാനവും (15.51 രൂപ) ആണു കേരളം ഈടാക്കുന്ന നികുതി. മഹാരാഷ്ട്രയാണ് ഏറ്റവും കൂടുതല് നികുതി ഈടാക്കുന്ന സംസ്ഥാനം (പെട്രോളിന് 39.78%, ഡീസലിന് 24.84%).
പ്രതികരിക്കാൻ ഇവിടെ എഴുതുക