തൃശ്ശൂര്: അയ്യപ്പന്റെ പേരില് വോട്ട് തേടിയതിന് തൃശ്ശൂരിലെ എന്ഡിഎ സ്ഥാനാര്ത്ഥിയും രാജ്യസഭാ എംപിയുമായ സുരേഷ് ഗോപിക്ക് തൃശ്ശൂര് ജില്ലാ കളക്ടര് നോട്ടീസയച്ചു.
തെരഞ്ഞെടുപ്പില് ജാതിയും മതവും പറഞ്ഞ് വോട്ട് തേടരുതെന്ന മുഖ്യ തെരഞ്ഞെടുപ്പ് ഓഫീസറുടെ നിര്ദേശം ലംഘിച്ചതിനാണ് നോട്ടീസ്. 48 മണിക്കൂറിനകം വിശദീകരണം നല്കണമെന്നാണ് ആവശ്യപ്പെട്ടിരിക്കുന്നത്. പെരുമാറ്റച്ചട്ടലംഘനമാണ് സുരേഷ് ഗോപി നടത്തിയതെന്ന് ജില്ലാ കളക്ടര് ടി വി അനുപമ വ്യക്തമാക്കി.
ശബരിമല തെരഞ്ഞെടുപ്പില് വോട്ട് പിടിക്കുന്നതിനായി ഉപയോഗിക്കരുതെന്ന് തെരഞ്ഞെടുപ്പ് കമ്മീഷന് നേരത്തേ രാഷ്ട്രീയപാര്ട്ടികള്ക്ക് മുന്നറിയിപ്പ് നല്കിയിരുന്നു.
തേക്കിന്കാട് മൈതാനിയില് എന്ഡിഎ നടത്തിയ തെരഞ്ഞെടുപ്പ് കണ്വെന്ഷനിലാണ് സുരേഷ് ഗോപി ശബരിമലയെ മുന്നിര്ത്തി വോട്ട് ചോദിക്കുന്നുവെന്ന് വോട്ടര്മാരോട് പറഞ്ഞത്. ശബരിമലയെ താന് പ്രചാരണആയുധമാക്കുകയല്ല. പക്ഷേ കേരളത്തിലെ കുടുംബങ്ങള് ചര്ച്ച ചെയ്യുന്നത് ഇതാണ് എന്നും സുരേഷ് ഗോപി പറഞ്ഞിരുന്നു.
പ്രതികരിക്കാൻ ഇവിടെ എഴുതുക