സംസ്ഥാനത്ത് ഇന്ന് ഒരു കോവിഡ് മരണം .07.06.2020 ന് തൃശൂര് ജില്ലയില് മരണമടഞ്ഞ കുമാരന് (87) എന്ന വ്യക്തിയുടെ സാമ്പിളുകള് പരിശോധനയ്ക്കായി എന്.ഐ.വി ആലപ്പുഴയില് അയച്ചിരുന്നു. അദ്ദേഹത്തിന് ഇന്ന് കോവിഡ്-19 സ്ഥിരീകരിച്ചു. ഇതോടെ സംസ്ഥാനത്ത് കോവിഡ് ബാധിച്ച് 17 പേരാണ് മരണമടഞ്ഞത്.
സംസ്ഥാനത്ത് ഇന്ന് 65 പേര്ക്കാണ് കോവിഡ്-19 സ്ഥിരീകരിച്ചത്. കോഴിക്കോട് ജില്ലയില് നിന്നുള്ള 10 പേര്ക്കും, തൃശൂര് ജില്ലയില് നിന്നുള്ള 9 പേര്ക്കും (ഒരാള് മരണമടഞ്ഞു), മലപ്പുറം ജില്ലയില് നിന്നുള്ള 7 പേര്ക്കും, തിരുവനന്തപുരം, പാലക്കാട് ജില്ലകളില് നിന്നുള്ള 6 പേര്ക്ക് വീതവും, കൊല്ലം, ഇടുക്കി, എറണാകുളം, വയനാട്, കണ്ണൂര് ജില്ലകളില് നിന്നുള്ള 4 പേര്ക്ക് വീതവും, പത്തനംതിട്ട, കോട്ടയം ജില്ലകളില് നിന്നുള്ള 3 പേര്ക്ക് വീതവും, ആലപ്പുഴ ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.
പ്രതികരിക്കാൻ ഇവിടെ എഴുതുക