ന്യൂഡൽഹി: വണ്പ്ലസ് 8 ടി 5ജി ഇന്ത്യയില് ലോഞ്ചുചെയ്യുന്നതിനെക്കുറിച്ചുള്ള അഭ്യൂഹങ്ങള് കുറച്ചുകാലമായി പുറത്തു വരുന്നുണ്ട്. എന്നാൽ ഇപ്പോൾ ദീപാവലിയോടനുബന്ധിച്ചത് വണ്പ്ലസ് ആരാധകരെ സന്തോഷിപ്പിക്കാനായി എത്തുമെന്ന സൂചനകള് സത്യമാകുന്നതായി പുതിയ റിപ്പോര്ട്ട് പുറത്തുവരുന്നു.
വണ്പ്ലസിന്റെ ഭാഗത്തു നിന്നും ഔദ്യോഗിക സ്ഥിരീകരണമുണ്ടായിട്ടില്ലെങ്കിലും ഇത് ആമസോണുമായി സഹകരിച്ച് വില്പ്പന ആരംഭിക്കുന്നതിന് മുന്നോടിയായി പ്ലാറ്റ്ഫോമില് ലിസ്റ്റുചെയ്തു കഴിഞ്ഞു. ലോഞ്ചിങ് തീയതി ഇതുവരെ സ്ഥിരീകരിച്ചിട്ടില്ലെങ്കിലും, ഫോണ് ഉടന് ഇന്ത്യയില് വിപണിയിലെത്തുമെന്ന് ടീസറുകള് സൂചിപ്പിക്കുന്നത്. ഒക്ടോബര് 14 ന് വണ്പ്ലസിനെ ഇന്ത്യയില് എത്തിച്ചേക്കുമെന്നാണ് വിവരം.
വണ്പ്ലസ് 8 ടി യുടെ പ്രൊമോഷനുകള് ഇന്ത്യയില് വരുന്നുണ്ട് എന്നത് ശ്രദ്ധേയമാണ്, ഫോണ് ആദ്യം ഇന്ത്യയില് ലോഞ്ച് ചെയ്യാമെന്നും പിന്നീട് ആഗോള വിപണിയില് പ്രഖ്യാപിക്കാമെന്നും സൂചന നല്കി. റിപ്പോര്ട്ടുകള് പ്രകാരം, 8 ജിബി റാം, 128 ജിബി സ്റ്റോറേജ്, സ്നാപ്ഡ്രാഗണ് 865+ പ്രോസസറുമായി ചേര്ത്ത ഫോണിന് ശക്തമായ ഹാര്ഡ്വെയര് പിന്തുണയാണുള്ളത്. വണ്പ്ലസ് 8 ല് മുമ്ബ് കണ്ട അതേ പാനലിനൊപ്പം ഫോണ് വരുമെന്ന സൂചനകളും ഉണ്ട്, പക്ഷേ ചെറിയ ട്വിസ്റ്റോടെ. അതുപോലെ, 90 ഹെര്ട്സ് വേഗതയില് 120 ഹെര്ട്സ് റിഫ്രഷ് റേറ്റില് 6.55 ഇഞ്ച് അമോലെഡ് പാനലില് പ്രവര്ത്തിക്കും.
പ്രതികരിക്കാൻ ഇവിടെ എഴുതുക