നടിയെ ആക്രമിച്ച കേസുമായി ബന്ധപ്പെട്ട് വിചാരണക്കോടതി മാറ്റില്ലെന്ന് ഹൈക്കോടതി അറിയിച്ചു. സര്ക്കാരിന്റെയും നടിയുടെയും ആവശ്യം കോടതി തള്ളുകയായിരുന്നു. അപ്പീല് നല്കാനായി വിചാരണ നടപടികള് സ്റ്റേ ചെയ്യണമെന്ന സര്ക്കാര് ആവശ്യവും കോടതി തള്ളുകയായിരുന്നു. ആക്രമണത്തിന് ഇരയായ നടിയും സർക്കാരും ഹൈക്കോടതിയിൽ രൂക്ഷ വിമർശനമായിരുന്നു വിചാരണക്കോടതി നടപടികൾക്കെതിരെ ഉന്നയിച്ചത്. വിചാരണക്കോടതിക്കെതിരെ വിമര്ശനം ഉയര്ത്തിയത് വിചാരണക്കോടതി മാറ്റണമെന്ന നടിയുടെ ഹര്ജിയില് സര്ക്കാര് നിലപാട് വിശദീകരിക്കുമ്പോഴാണ്.
വി.കെ ഇബ്രാഹിംകുഞ്ഞിന് വൈദ്യപരിശോധന നടത്താൻ ഉത്തരവിട്ട് കോടതി
വിചാരണക്കോടതി മാറ്റിയില്ലെങ്കില് വിചാരണ സ്തംഭിക്കുന്ന അവസ്ഥയുണ്ടാകുമെന്നും വിചാരണക്കോടതിയും പ്രോസിക്യൂഷനും ഒരുവിധത്തിലും ഒത്തുപോകാന് സാധിക്കില്ലെന്നും സര്ക്കാര് കോടതിയില് അറിയിച്ചു. ഇന്നത്തേക്ക് ഹര്ജിയില് വിധി പറയുന്നതിന് മാറ്റുകയായിരുന്നു. പ്രതികളെ സഹായിക്കുന്ന നിലപാടാണ് വിചാരണയുടെ ആദ്യഘട്ടം മുതല് വിചാരണക്കോടതിയുടെ ഭാഗത്തു നിന്ന് ഉണ്ടാകുന്നത് എന്ന ഗൗരവമായ ആരോപണമാണ് സര്ക്കാരും പരാതിക്കാരിയും കോടതിയില് ഉയര്ത്തിയത്.
കൃഷി നശിപ്പിക്കുന്ന കാട്ട് പന്നികളെ വെടിവയ്ക്കാം; വനം മന്ത്രി കെ. രാജു
വനിതാ ജഡ്ജി ആയിട്ടു പോലും ഇരയാക്കപ്പെട്ട നടിയുടെ അവസ്ഥ മനസിലാക്കാന് സാധിച്ചില്ലെന്നും ക്രോസ് വിസ്താരത്തിനിടെ നടിയെ അപമാനിക്കും വിധമുള്ള ചോദ്യങ്ങള് ഉയര്ന്നെങ്കിലും അത് തടയാന് പോലും ഒരു ഇടപെടലും ഉണ്ടായില്ലെന്നും കൂടാതെ ഇക്കാര്യം പ്രോസിക്യൂഷന് ചൂണ്ടിക്കാണിച്ചപ്പോള് അംഗീകരിച്ചില്ലെന്നും
പലതവണ കോടതിയില് വച്ച് കരയേണ്ട സാഹചര്യം തനിക്കുണ്ടായെന്നും ആക്രമണത്തിന് ഇരയാക്കപ്പെട്ട യുവതി കോടതിയെ അറിയിച്ചു. വിചാരണക്കോടതിലുള്ള വിശ്വാസം നഷ്ടപ്പെട്ടിരിക്കുകയാണെന്നും ഈ സാഹചര്യത്തില് വിചാരണക്കോടതി മാറ്റണമെന്നും എന്നാൽ കേസിന്റെ വിചാരണ ഒരു വനിതാ ജഡ്ജിക്കു തന്നെ നല്കണമെന്നില്ലെന്നും തത്തുല്യമായ മറ്റേതെങ്കിലും കോടതിയിലേയ്ക്ക് കൈമാറിയാലും മതിയാകും എന്ന നിലപാടും സര്ക്കാര് കോടതിയെ അറിയിച്ചിട്ടുണ്ട്
പ്രതികരിക്കാൻ ഇവിടെ എഴുതുക