തൃശൂർ വേലൂർ പഞ്ചായത്തിലെ എൽഡിഎഫ് സ്ഥാനാർത്ഥിയ്ക്ക് നേരെ ആക്രമണമുണ്ടായി. മർദ്ദനമേറ്റത് അഞ്ചാം വാർഡിലെ എൻസിപി സ്ഥാനാർത്ഥി ജോൺ അറയ്ക്കലിനാണ്. മർദ്ദിച്ചത് കോൺഗ്രസ് പ്രവർത്തകരാണെന്നാണ് ആരോപണം. സംഭവം നടന്നത് ഇന്ന് രാവിലെ വേലൂർ കുടുംബാരോഗ്യ കേന്ദ്രത്തിന് സമീപമുള്ള ജോൺ അറയ്ക്കലിന്റെ മെഡിക്കൽ ഷോപ്പിന് മുന്നിൽ വെച്ചാണ്.
‘സോളാർ കേസിൽ താനായിട്ട് പുനരന്വേഷണം ആവശ്യപ്പെടുന്നില്ല’ ; മുൻ മുഖ്യമന്ത്രി ഉമ്മൻ ചാണ്ടി
കോൺഗ്രസ് മണ്ഡലം വൈസ് പ്രസിഡന്റ് ബാബു രാജ്, ഇയാളുടെ സഹോദരൻ തെക്കേത്തല ബെന്നി എന്നിവർ ചേർന്ന് മർദ്ദിക്കുകയായിരുന്നു. കൂടാതെ മരവടികൊണ്ട് അടിയേറ്റ് തലയ്ക്ക് ഗുരുതരമായി പരുക്കേറ്റ ജോൺ അറയ്ക്കൽ തൃശൂർ അമല ആശുപത്രിയിൽ ചികിത്സയിലാണ്. എൽഡിഎഫ് ആരോപിക്കുന്നത് പരാജയ ഭീതിപൂണ്ട കോൺഗ്രസ് ആസൂത്രിതമായി ആക്രമണം നടത്തിയതാണെന്നാണ്. പൊലീസ് സംഭവത്തിൽ അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക