ഒറ്റപ്പാലത്ത് യൂത്ത് കോൺഗ്രസ് പ്രവർത്തകന് വെട്ടേറ്റു. കെഎസ്യു മുൻ മണ്ഡലം പ്രസിഡന്റ് കൂടിയായ അൻഷിഫിനാണ് വെട്ടേറ്റത്.
ഇന്ന് രാവിലെ പത്ത് മണിയോടെയായിരുന്നു സംഭവം. ആക്രമണത്തിൽ അൻഷിഫിന്റെ തലയ്ക്കും കൈയ്ക്കും പരുക്കേറ്റു. ഒറ്റപ്പാലം താലൂക്ക് ആശുപത്രിയിൽ ചികിത്സയിലാണ് അൻഷിഫ്.
തിരഞ്ഞെടുപ്പ് അടുത്ത സമയത്തുണ്ടായ രാഷ്ട്രീയ പ്രേരിതമായ ആക്രമണമാണിതെന്ന് യൂത്ത് കോൺഗ്രസ് സംസ്ഥാന സെക്രട്ടറി പി സരിൻ ആരോപിച്ചു. അതേസമയം ആക്രമണം രാഷ്ട്രീയ പ്രേരിതമല്ലെന്നും വ്യക്തിപരമായ പ്രശ്നങ്ങൾ ആണ് കാരണമെന്നും ഒറ്റപ്പാലം പൊലീസ് പ്രതികരിച്ചു.
പ്രതികരിക്കാൻ ഇവിടെ എഴുതുക