താന് തിരക്കഥ ചെയ്യുന്ന ചിത്രങ്ങളെ കുറിച്ച് മനസ്സ് തുറന്ന് മുരളി ഗോപി. ജൂറിയ്ക്കോ നിരൂപക പ്രശംസ നേടാന് വേണ്ടിയോ സിനിമ ചെയ്യാറില്ലെന്നും സ്വന്തം സിനിമകള് തിയേറ്ററില് തന്നെ ജയിച്ചു കാണാന് ആഗ്രഹിക്കുന്നയാളാണ് താനെന്നും അദ്ദേഹം വ്യക്തമാക്കി.
തിയേറ്ററില് വിജയം നേടാതിരിക്കുകയും പിന്നീട് വര്ഷങ്ങള്ക്ക് ശേഷം ആ സിനിമ നല്ലതായിരുന്നു എന്ന് ആരെങ്കിലും പറഞ്ഞു കേള്ക്കുകയും ചെയ്യുമ്പോള് വിഷമം തോന്നുമെന്നും അദ്ദേഹം പറഞ്ഞു.
ടിയാന്, കമ്മാര സംഭവം പോലുള്ള സിനിമകള് റീലിസ് ചെയ്തു രണ്ടു വര്ഷമൊക്കെ കഴിഞ്ഞ്, അത് ഭയങ്കര രസമുള്ള ആശയമായിരുന്നു, ഉഗ്രന് ചിന്തയായിരുന്നു എന്നു കേള്ക്കുമ്പോള് നിരാശ തോന്നും. കാരണം, ഞാന് തിയേറ്ററുകള്ക്കു വേണ്ടിയാണ് സിനിമ എടുക്കുന്നത്. അവിടെ അതു ഹിറ്റാകണം. കാലത്തിനു മുന്നേ സഞ്ചരിച്ച സിനിമ എന്നൊക്കെ ചിലര് പറയും.
അങ്ങനെ പറയുന്ന സുഹൃത്തുക്കളോട് ഞാന് പറയും, എനിക്ക് കാലത്തിന് മുന്നേ സഞ്ചരിക്കണ്ട. എന്റെ കാലത്തില് നിങ്ങള് അതു കണ്ടിട്ട് കൊള്ളാമെന്ന് പറയാന് കഴിയുമെങ്കില് അതു ചെയ്യുക. അല്ലാതെ അത് തിയേറ്ററില് നിന്നും പോയിട്ട് പിന്നെ രണ്ട് കൊല്ലം കഴിഞ്ഞിട്ട് ഇപ്പോള് നല്ല സിനിമയാണെന്ന് പറയുന്നത് എന്റെ പരാജയമായിട്ടാണ് ഞാന് കാണുന്നത്. മുരളി ഗോപി കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക