ബെംഗളൂരു മയക്കുമരുന്ന് കേസില് പിടിയിലായ ബിനീഷ് കൊടിയേരിക്ക് ജാമ്യം അനുവദിക്കാത്തതെന്താണെന്ന് നടന് ഹരീഷ് പേരടി. നിയമത്തിന്റെ കണ്ണില് അയാള് കുറ്റവാളിയാണെങ്കില് പൊതുസമൂഹത്തിന് ഇത് ഒരു മനുഷ്യാവകാശ ലംഘനമാണോ എന്ന് അറിയാനുള്ള അവകാശമില്ലേ എന്നും ഹരീഷ് പേരടി ഫെയ്സ്ബുക്കില് കുറിച്ചു.
ഒരു പാട് മനുഷ്യാവകാശ മര്ദനങ്ങള്ക്കു നടുവിലേക്ക് നെഞ്ചും വിരിച്ച് ചെന്ന ഒരു സഖാവിന്റെ മകനായി എന്നതാണോ അയാളുടെ കുറ്റം. സിദ്ധിഖ് കാപ്പന് വേണ്ടി പോസ്റ്റിടുന്നവര് പോലും ഈ മനുഷ്യന്റെ മനുഷ്യാവകാശത്തെ കാണുന്നില്ലെന്നും ഹരീഷ് വ്യക്തമാക്കി.
ഹരീഷിന്റെ വാക്കുകള്:
ഇത് ബിനീഷ് കോടിയേരി. എന്താണ് ഇയാള്ക്ക് ഇപ്പോഴും ജാമ്യം അനുവദിക്കാത്തത്? അസുഖ ബാധിതനായ സ്വന്തം അച്ഛനെ കാണാന് പോലും പറ്റാത്ത എന്ത് കുറ്റമാണ് ഇയാളുടെ പേരിലുള്ളത്? കോടതി പോലും കരുണയുടെ ഭാഷ കാണിച്ചിട്ടും അയാള്ക്കത് കിട്ടാത്തതെന്താണ്? നിയമത്തിന്റെ കണ്ണില് അയാള് കുറ്റവാളിയാണെങ്കില്,പൊതുസമൂഹത്തിന് ഇത് ഒരു മനുഷ്യാവകാശ ലംഘനമാണോ എന്ന് അറിയാനുള്ള അവകാശമില്ലേ?
ഒരു പാട് മനുഷ്യാവകാശ മര്ദനങ്ങള്ക്ക് നടുവിലേക്ക് നെഞ്ചും വിരിച്ച് ചെന്ന ഒരു സഖാവിന്റെ മകനായി എന്നതാണോ അയാളുടെ കുറ്റം. പാര്ട്ടിയുടെ ചിലവില് വിദ്യാഭ്യാസം പൂര്ത്തിയാക്കിയ വക്കീലന്മാര് പോലും ഒന്നും മിണ്ടുന്നില്ല. ഒരു പാട് സാമ്പത്തിക ക്രിമനലുകള് ഓണവും പെരുന്നാളും ക്രിസ്തുമസ്സും അഘോഷിച്ച് നമ്മുക്കിടയില് വിലസുമ്പോള് സിദ്ധിഖ് കാപ്പന് വേണ്ടി പോസ്റ്റിടുന്നവര് പോലും ഈ മനുഷ്യന്റെ മനുഷ്യാവകാശത്തെ കാണുന്നില്ല. അയാള് കുറ്റവാളിയാണെങ്കില് ശിക്ഷിക്കപെടണം. പക്ഷെ മനുഷ്യാവകാശം നിഷേധിക്കാന് പാടില്ല. ഇന്നലെ എന്നെ എതിര്ത്തവര് എന്നെ ഇന്ന് അനുകൂലിച്ചാലും ഇന്നലെ എന്നെ അനൂകുലിച്ചവര് ഇന്ന് എന്നെ എതിര്ത്താലും ചോദ്യങ്ങള് ബാക്കിയാണ്.
പ്രതികരിക്കാൻ ഇവിടെ എഴുതുക