പാലക്കാട്: നെന്മാറ വേല ദിനത്തിൽ ബസിനുമുകളില് യാത്രചെയ്ത സംഭവത്തില് നാല് ബസ് ജീവനക്കാരുടെ ലൈസന്സ് സസ്പെന്ഡ് ചെയ്തു.
സസ്പെന്ഡ് ചെയ്തത് എസ്.ആര്.ടി, കിങ്സ് ഓഫ് കൊല്ലംകോകോട് ബസുകളിലെ ഡ്രൈവര്മാരുടെയും കണ്ടക്ടര്മാരുടെയും ലൈസന്സുകളാണ്.
കഴിഞ്ഞ തിങ്കളാഴ്ച രാവിലെയാണ് കേസിന് ആസ്പദമായ സംഭവം നടന്നത്. നെന്മാറ വല്ലങ്കി വേലയുടെ വെടിക്കെട്ട് കഴിഞ്ഞ് മടങ്ങിപ്പോകുന്ന യാത്രക്കാരാണ് ബസുകള്ക്ക് മുകളില് കയറിയത്.
ബസിനുമുകളില് കയറി യാത്രക്കാര്ക്ക് കണ്ടക്ടര് ടിക്കറ്റ് നല്കുന്ന ദൃശ്യങ്ങള് സാമൂഹിക മാധ്യമങ്ങളില് വൈറലായിരുന്നു.
രണ്ട് ബസിന്റെ ഉടമകള്ക്കും നോട്ടീസ് അയക്കാനും ആര്.ടി.ഒ തീരുമാനിച്ചിട്ടുണ്ട്. വേറെയും ബസുകളുടെ സമാനമായ വീഡിയോകള് ആര്.ടി.ഒയ്ക്ക് ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക