തിരുവനന്തപുരം: ഇന്നും സംസ്ഥാനത്ത് ശക്തമായ മഴ തുടരാന് സാധ്യതയുണ്ടെന്ന് കാലാവസ്ഥാ കേന്ദ്രം അറിയിച്ചു. 12 ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട മുതല് കാസര്കോട് വരെയുള്ള ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. തിരുവനനന്തപുരം, കൊല്ലം ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
മലയോരമേഖലകളില് അതീവ ജാഗ്രത തുടരണം. കേരളത്തിന് മുകളില് അന്തരീക്ഷചുഴിയും മധ്യ ബംഗാള് ഉള്ക്കടലില് ചക്രവാതച്ചുഴിയും നിലനില്ക്കുന്നതാണ് മഴ തുടരുന്നതിന് കാരണം. ഒറ്റപ്പെട്ടയിടങ്ങളില് അതിശക്തമായ മഴ ലഭിച്ചേക്കും.
തുടര്ച്ചയായി കഴിഞ്ഞ ദിവസങ്ങളില് മഴ ലഭിച്ച പ്രദേശങ്ങളില് ഉരുള്പൊട്ടലിനും മലവെള്ളപ്പാച്ചിലിനും സാധ്യത കൂടുതലാണ്. ഉയര്ന്ന തിരമാലകള്ക്കും ശക്തമായ കാറ്റിനും സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുത്.
പ്രതികരിക്കാൻ ഇവിടെ എഴുതുക