കരളിന്റെ സ്വാഭാവിക ആരോഗ്യം നഷ്ടപ്പെടുകയും കരളിലെ കോശങ്ങൾ നശിച്ചുപോകുകയും ചെയ്യുന്ന അവസ്ഥയാണ് ലിവർ സിറോസിസ്. ഇത് കരളിന്റെ പ്രവർത്തനം തടസപ്പെടുത്തും. ആരോഗ്യകരമായ ഭക്ഷണവും ജീവിതരീതിയും പിന്തുടർന്നാൽ കരളിനെ സംരക്ഷിക്കാനാകും.
കരളിനായി കഴിക്കാം ഈ ഭക്ഷണങ്ങൾ…
ഓട്സ്…
ഓട്സിൽ ബീറ്റാ-ഗ്ലൂക്കൻ എന്നറിയപ്പെടുന്ന ഒരു പ്രത്യേക തരം നാരുകൾ അടങ്ങിയിരിക്കുന്നതിനാൽ കരളിന് സംരക്ഷണ ഫലമുണ്ടാകാം. മഞ്ഞപ്പിത്തം ബാധിച്ചവരിൽ ബീറ്റാ-ഗ്ലൂക്കൻ കരൾ തകരാറും ഓക്സിഡേറ്റീവ് സമ്മർദ്ദവും കുറയ്ക്കുമെന്ന് ഒരു പഠനം തെളിയിച്ചു.
ബ്രൊക്കോളി…
ബ്രൊക്കോളി നിങ്ങളുടെ ഡയറ്റിൽ സ്ഥിരമായി ഉപയോഗപ്പെടുത്തുക. നോൺ ആൽക്കഹോളിക് ഫാറ്റി ലിവർ വരാതെ തടയാൻ ഇത് സഹായിക്കും. നട്സ്, ബദാം, ക്രാൻബെറി എന്നിവയുമായി ചേർത്തും കഴിക്കാം. നാരുകളുടെ ഉറവിടമാണ് ബ്രൊക്കോളി. ഇത് കരളിന്റെ ആരോഗ്യത്തെ പിന്തുണയ്ക്കുന്നു. കൂടാതെ, കരൾ അർബുദം തടയാൻ സഹായിക്കുന്ന ആന്റിഓക്സിഡന്റുകളും ഫൈറ്റോകെമിക്കലുകളും അവയിൽ അടങ്ങിയിട്ടുണ്ട്.
ഗ്രീൻ ടീ…
ഗ്രീൻ ടീയിലെ Catechins എന്ന ആന്റി ഓക്സിഡന്റ് അടങ്ങിയതാണ് ഗ്രീൻ ടീ. പലതരം കാൻസർ വളർച്ചകളെ തടയാൻ ഗ്രീൻ ടീയ്ക്ക് സാധിക്കും. സമീപകാല റിപ്പോർട്ട് അനുസരിച്ച്, നോൺ-ആൽക്കഹോളിക് ഫാറ്റി ലിവർ രോഗം ബാധിച്ച ആളുകൾക്ക് പതിവ് വ്യായാമവും ഉയർന്ന കലോറി പാനീയങ്ങൾക്ക് പകരം കഫീൻ അടങ്ങിയ ഭക്ഷണ ഗ്രീൻ ടീ ഉപയോഗിക്കുന്നതിലൂടെയും പ്രയോജനം ലഭിക്കുമെന്ന് പുതിയ ഗവേഷണം സൂചിപ്പിക്കുന്നു.
ബ്ലൂബെറി…
ബ്ലൂബെറിയിൽ ആന്തോസയാനിൻ, ആന്റിഓക്സിഡന്റുകൾ എന്നിവ ധാരാളം അടങ്ങിയിട്ടുണ്ട്. ഇത് വീക്കം കുറയ്ക്കുകയും കരളിനെ ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുകയും ചെയ്യുന്നു. ചില പഠനങ്ങൾ സൂചിപ്പിക്കുന്നത് ബ്ലൂബെറികളും ക്രാൻബെറികളും കരൾ തകരാറിൽ നിന്ന് സംരക്ഷിക്കുകയും ഫൈബ്രോസിസ് സാധ്യത കുറയ്ക്കുകയും ചെയ്യുന്നു.
പ്രതികരിക്കാൻ ഇവിടെ എഴുതുക