മലപ്പുറം: വീട്ടിലേക്ക് ഓര്ഡര് ചെയ്ത ബിരിയാണിയില് നിന്ന് വേവിക്കാത്ത കോഴിത്തല ലഭിച്ചതായി പരാതി. മലപ്പുറം തിരൂരിൽ ഏഴൂര് സ്വദേശിനിയായ അധ്യാപിക പ്രതിഭയ്ക്കാണ് ബിരിയാണിയിൽ നിന്ന് കോഴിത്തല ലഭിച്ചത്. മുത്തൂരിലെ പൊറോട്ട സ്റ്റാളില് നിന്ന് കഴിഞ്ഞ ദിവസം രാത്രിയാണ് ബിരിയാണി ഓര്ഡര് ചെയ്തത്.
നാല് ബിരിയാണിയാണ് ഓര്ഡര് ചെയ്തത്. ഒരു പാക്കറ്റ് ബിരിയാണി തുറന്നുനോക്കിയപ്പോഴാണ് അതിനുള്ളിൽ നിന്ന് കോഴിത്തല ലഭിച്ചത്.
രണ്ട് ബിരിയാണി കുട്ടികള് കഴിച്ച് കഴിഞ്ഞതിന് ശേഷം മൂന്നാമത്തെ പാർസൽ പൊട്ടിച്ചപ്പോഴായിരുന്നു സംഭവം. തിരൂര് നഗരസഭ ആരോഗ്യ വിഭാഗത്തിനും ഫുഡ് സേഫ്റ്റി ഓഫീസര്ക്കും പ്രതിഭ പരാതി നൽകിയിട്ടുണ്ട്.
പ്രതികരിക്കാൻ ഇവിടെ എഴുതുക