തിരുവനന്തപുരം: സംസ്ഥാന സർക്കാരിനെതിരെ വിമർശനവുമായി കേന്ദ്രമന്ത്രി വി മുരളീധരന്. കേരളം സമ്പൂര്ണ സാമ്പത്തിക തകര്ച്ചയിലാണെന്നും ധൂര്ത്ത് നിര്ത്താതെ കേരളം രക്ഷപ്പെടില്ലെന്നും വി മുരളീധരന് പറഞ്ഞു. നിയമപരമായി കേരളത്തിന് നല്കേണ്ട പണം മുഴുവന് കേന്ദ്രസര്ക്കാര് നല്കിയിട്ടുണ്ട്. ഇനിയും പണം ലഭിക്കാനുണ്ടെങ്കില് അത് ചട്ടങ്ങള് പാലിക്കാത്തതുകൊണ്ടാണ്. ജനങ്ങളെ തെറ്റിദ്ധരിപ്പിക്കാനുള്ള ശ്രമങ്ങളാണ് മുഖ്യമന്ത്രിയും ധനമന്ത്രിയും നടത്തുന്നതെന്നും കേന്ദ്രമന്ത്രി വിമർശിച്ചു.
കടക്കെണിയിലായ കര്ഷകരെയും കുടുംബശ്രീ പ്രവര്ത്തകരായ ആളുകളെയും ക്ഷേമപെന്ഷന് ലഭിക്കേണ്ടവരെയുമൊക്കെ വെല്ലുവിളിച്ചു കൊണ്ട് കേരളീയവും നവകേരള സദസ്സുമൊക്കെ നടത്തി വീണ്ടും പണം ധൂര്ത്തടിക്കാനുള്ള ആസൂത്രണമാണ് സര്ക്കാര് നടത്തിക്കൊണ്ടിരിക്കുന്നത്. ആഡംബരത്തെക്കുറിച്ചും ധൂര്ത്തിനെക്കുറിച്ചും ചോദിക്കുമ്പോള് കേന്ദ്രം ഞെരുക്കുന്നുവെന്നാണ് മുഖ്യമന്ത്രിയും ധനമന്ത്രിയും പറയുന്നതെന്നും വി മുരളീധരൻ കുറ്റപ്പെടുത്തി.
പ്രതികരിക്കാൻ ഇവിടെ എഴുതുക