പത്തനംതിട്ട: പെര്മിറ്റ് ലംഘനത്തെ തുടര്ന്ന് മോട്ടോര് വാഹന വകുപ്പ് പിടിച്ചെടുത്ത റോബിന് ബസ് ഇന്ന് മുതല് വീണ്ടും ഓടി തുടങ്ങും. പിഴ അടച്ചതിനെ തുടര്ന്നാണ് ഉടമ ബേബി ഗിരീഷിന് വാഹനം തിരികെ വിട്ടു നല്കിയത്. പത്തനംതിട്ട ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി നിര്ദേശപ്രകാരമാണ് മോട്ടോര് വാഹന വകുപ്പ് ബസ് വിട്ട് നല്കിയത്.
അതേസമയം, നിലവിലെ നിയമപ്രകാരം മാത്രം ബസിന് സര്വീസ് നടത്താമെന്നും അല്ലെങ്കില് നടപടി ഉണ്ടാകുമെന്നും മോട്ടോര് വാഹന വകുപ്പ് അറിയിച്ചു.
നിയമ ലംഘനത്തിന് ചുമത്തിയ പിഴയായി ഉടമ 82,000 രൂപ അടച്ചിരുന്നു. പിഴ ഒടുക്കിയാല് ബസ് വിട്ടുനല്കണമെന്ന ഹൈക്കോടതി ഉത്തരവും പോലീസ് കസ്റ്റഡിയില് സൂക്ഷിച്ചാല് വെയിലും മഴയുമേറ്റ് ബസിനു കേടുപാടുണ്ടാകുമെന്ന വാദവും പരിഗണിച്ചാണ് ബസ് വിട്ടുനല്കാന് പത്തനംതിട്ട ജുഡീഷ്യല് ഒന്നാം ക്ലാസ് മജിസ്ട്രേട്ട് കോടതി ഉത്തരവിട്ടത്.
പ്രതികരിക്കാൻ ഇവിടെ എഴുതുക