മൊബൈല് ഫോണുകളുടെ നിര്മാണത്തിന് ഉപയോഗിക്കുന്ന ഘടകഭാഗങ്ങളുടെ ഇറക്കുമതി തീരുവ കുറച്ചു. 15 ശതമാനത്തില് നിന്ന് 10 ശതമാനമായാണ് തീരുവ കുറച്ചത്. ഇതോടെ മൊബൈല് ഫോണുകളുടെ വിലയിലും കുറവ് വരും. ആഗോള വിപണികളുമായി മത്സരിക്കുന്നതിന്റെ ഭാഗമായാണ് പുതിയ തീരുമാനം. ബാറ്ററിയുമായി ബന്ധപ്പെട്ട ഭാഗങ്ങള്, ലെന്സ്, പിന്ഭാഗത്തെ കവര്, പ്ലാസ്റ്റിക്, ലോഹം എന്നിവ ഉപയോഗിച്ച് നിര്മിച്ച വിവിധ പാര്ട്സുകള് എന്നിവ ഉള്പ്പടെയുള്ളവയുടെ തീരുവയാണ് 10 ശതമാനമായി കുറച്ചത്.
ഇന്ത്യയിലെ സ്മാര്ട്ട് ഫോണുകളുടെ ഉത്പാദന ചെലവ് കുറയ്ക്കുന്നതിനും അയല് രാജ്യങ്ങളായ ചൈന, വിയറ്റ്നാം എന്നിവിടങ്ങളില്നിന്നുള്ള മത്സരം നേരിടുന്നതിനും ഇറക്കുമതി തീരുവ കുറയ്ക്കണമെന്ന് കമ്പനികള് നേരത്തെ ആവശ്യം ഉന്നയിച്ചിരുന്നു. ആപ്പിള് പോലുള്ള കമ്പനികള്ക്ക് പുതിയ തീരുമാനം ഗുണകരമാണ്. ഇന്ത്യയുടെ കയറ്റുമതി സാധ്യത വര്ധിപ്പിക്കാനും കഴിയും.
പ്രതികരിക്കാൻ ഇവിടെ എഴുതുക