കൊച്ചി: സംസ്ഥാനത്ത് ചൂട് കനത്തതോടെ തൊഴിലാളികളുടെ തൊഴില് സമയം പുനഃക്രമീകരിച്ചുകൊണ്ട് ലേബര് കമ്മീഷണര് ഉത്തരവിട്ടു. കേരളത്തില് പകല് സമയത്തെ താപനില ക്രമാതീതമായി ഉയര്ന്ന സാഹചര്യത്തില് വെയിലത്ത് തൊഴിലെടുക്കുന്ന തൊഴിലാളികള്ക്ക് സൂര്യാഘാതം ഏല്ക്കുന്ന സാഹചര്യത്തിലാണ് തൊഴില് വകുപ്പിന്റെ തീരൂമാനം.
പകല് സമയം വെയിലത്ത് ജോലി ചെയ്യുന്ന തൊഴിലാളികള്ക്ക് ഉച്ചയ്ക്ക് 12 മണി മുതല് മൂന്നു മണി വരെ വിശ്രമം ആയിരിക്കും. നിര്ദേശം പാലിക്കുന്നുണ്ടോ എന്ന് പരിശോധിക്കുന്നതിന് ജില്ലാ ലേബര് ഓഫീസര് പി ജി വിനോദ് കുമാറിന്റെ നേതൃത്വത്തില് സ്ക്വാഡ് പരിശോധനയും ഉണ്ട്.
നിയമ ലംഘനം കണ്ടെത്തിയാല് 1958ലെ മിനിമം വേജസ് ആക്ട് പ്രകാരം കര്ശന നടപടി സ്വീകരിക്കുമെന്ന് ജില്ലാ ലേബര് ഓഫീസര് അറിയിച്ചു. നിയമ ലംഘനം ശ്രദ്ധയില്പ്പെട്ടാല് ജില്ലാ ലേബര് ഓഫീസറെ പരാതി അറിയിക്കാവുന്നതാണ്. സംസ്ഥാനത്ത് വേനല്ക്കാലം ആരംഭിക്കാനിരിക്കെ താപനില ക്രമാതീതമായി ഉയരുകയാണ്. ഇന്നും നാളെയും സംസ്ഥാനത്തെ ആറ് ജില്ലകളില് താപനില കുതിച്ചുയരാനുള്ള സാധ്യതയാണ് കേന്ദ്ര കാലാവസ്ഥ വകുപ്പ് അറിയിക്കുന്നത്.
ഇന്നും നാളെയും സംസ്ഥാനത്തെ 6 ജില്ലകളിൽ താപനില കുതിച്ചുയരും എന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്. സംസ്ഥാനത്തെ എറണാകുളം, തൃശ്ശൂർ, കണ്ണൂർ ജില്ലകളിലാണ് ഇന്നും നാളെയും താപനില ഉയരുമെന്ന് മുന്നറിയിപ്പുള്ളത്.
താപനില കുതിച്ചുയരുന്ന സാധ്യത കണക്കിലെടുത്ത് ആലപ്പുഴ, കോട്ടയം, കോഴിക്കോട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഇന്ന് ഉച്ചക്ക് ഒരു മണിയോടെയാണ് കേന്ദ്ര കാലാവസ്ഥാവകുപ്പ് താപനില സംബന്ധിച്ച മുന്നറിയിപ്പ് പുറപ്പെടുവിച്ചത്.
ആലപ്പുഴ, കോട്ടയം, കോഴിക്കോട് ജില്ലകളിൽ ഉയർന്ന താപനില 36 ഡിഗ്രി സെൽഷ്യസ് വരെയും സാധാരണയേക്കാൾ രണ്ടു മുതൽ നാലു ഡിഗ്രി സെൽഷ്യസ് വരെ കൂടുതൽ താപനില ഉയരാൻ സാധ്യതയുണ്ടെന്നും എറണാകുളം, തൃശ്ശൂർ, കണ്ണൂർ ജില്ലകളിൽ ഇന്നും നാളെയും താപനില 37 ഡിഗ്രി സെൽഷ്യസ് വരെയും അനുഭവപ്പെടാൻ സാധ്യതയുള്ളതായി കേന്ദ്ര കാലാവസ്ഥാവകുപ്പ് മുന്നറിയിപ്പ് നൽകുന്നുണ്ട്.
സാധാരണത്തേതിൽ നിന്നും വ്യത്യസ്തമായി ഇന്നും നാളെയും സംസ്ഥാനത്തെ താപനില കുതിച്ചുയരുമെന്നാണ് കേന്ദ്ര കാലാവസ്ഥാവകുപ്പിന്റെ മുന്നറിയിപ്പ്.
പ്രതികരിക്കാൻ ഇവിടെ എഴുതുക