മാനന്തവാടി: ആളെക്കൊല്ലി കാട്ടാന ബേലൂര് മഗ്ന വീണ്ടും കര്ണാടക മേഖലയിലേക്ക് നീങ്ങുന്നു. ബൈരക്കുപ്പ ഭാഗത്തേക്കാണ് കാട്ടാന പോയത്. ഇന്ന് പുലര്ച്ചെ മൂന്നരയോടെ പെരിക്കല്ലൂര് ജനവാസ മേഖലയില് ആനയുടെ സാന്നിധ്യം കണ്ടെത്തിയിരുന്നു. തുടര്ന്ന് മുള്ളന്കൊല്ലി പഞ്ചായത്തില് ജാഗ്രതാ നിര്ദേശവും പുറപ്പെടുവിച്ചിരുന്നു.
വനത്തിലൂടെ കാട്ടാനയുടെ നിര്ത്താതെയുള്ള സഞ്ചാരം ദൗത്യത്തിന് വെല്ലുവിളിയാവുകയാണ്. കബനി പുഴ കടന്നാണ് ഇപ്പോൾ ആന പെരിക്കല്ലൂര് ഭാഗത്ത് എത്തിയത്. കഴിഞ്ഞ ദിവസം ബൈരക്കുപ്പയിലേക്ക് നീങ്ങിയ ആന പുഴ കടന്ന് തിരികെയെത്തുകയായിരുന്നു. തുര്ന്ന് ബേലൂര് മഗ്ന വീണ്ടും ബൈരക്കുപ്പയിലേക്കാണ് നീങ്ങുന്നത്.
അതേസമയം പത്ത് ദിവസത്തോളമായിട്ടും ബേലൂര് മഗ്നയെ പിടികൂടാൻ കഴിയാത്തതിൽ പ്രതിഷേധം ശക്തമാണ്. ദൗത്യസംഘത്തിലുണ്ടായിരുന്ന ഡോ. അരുണ് സഖറിയ അടക്കമുള്ളവര് പുല്പള്ളിയിലിറങ്ങിയ കടുവയെ പിടികൂടുന്നതിനായി പോയിരുന്നു. ബേലൂർ മോഴ കഴിഞ്ഞ രണ്ടുദിവസമായി ആനയുടെ സാന്നിധ്യം കർണാടക കാടുകളിലായിരുന്നു. കേരള അതിർത്തിയിലേക്ക് മടങ്ങി എത്തുന്നുണ്ടെങ്കിലും, ആനയുടെ സ്ഥാനം നാഗർഹോള വനത്തിലാണ്. ഈ കാരണം കൊണ്ട് മയക്കുടി ദൗത്യം നിലച്ചിരുന്നു. പുൽപ്പള്ളി മുള്ളൻകൊല്ലി മേഖലയിൽ ഇറങ്ങുന്ന, കടുവയ്ക്ക് വേണ്ടിയും വനവകുപ്പ് തിരച്ചിൽ പുരോഗമിക്കുകയാണ്. കൂടുകൾ സ്ഥാപിച്ച്, കെണിവെച്ച് കാത്തിരുന്നെങ്കിലും കടുവയെ പിടിക്കാൻ കഴിഞ്ഞിട്ടില്ല. കഴിഞ്ഞ ദിവസം മയക്കുവെടി സംഘം പുൽപ്പള്ളി മേഖലയിൽ തിരിച്ചു നടത്തിയെങ്കിലും കടുവയെ കണ്ടെത്തിയിരുന്നില്ല.
പ്രതികരിക്കാൻ ഇവിടെ എഴുതുക