പതിവായി മൈദ, അഥവാ റിഫൈൻഡ് ഫ്ളോര് കഴിക്കുന്നത് മുഖക്കുരുവിന് ഇടയാക്കുന്നതാണ്. അതിനാല് തന്നെ മൈദ ഉപയോഗിച്ച് ഉണ്ടാക്കുന്ന പലഹാരങ്ങള്, ബേക്കറി ഐറ്റംസ് എന്നിവയെല്ലാം പരമാവധി ഒഴിവാക്കുന്നതാണ് നല്ലത്. മൈദ ദഹനപ്രശ്നങ്ങളും വലിയ രീതിയില് ഉണ്ടാക്കാറുണ്ട്.
മധുരം- അത് ഏത് തരത്തിലുള്ളതാണെങ്കിലും ചിലരില് മുഖക്കുരു ഉണ്ടാക്കിയേക്കാം. തേന്, ശര്ക്കര, ഡേറ്റ് ഷുഗര്, കോക്കനട്ട് ഷുഗര് ഈ ഗണത്തിൽ ഉൾപ്പെടും. ഗ്ലൈസമിക് സൂചിക ഉയര്ന്ന ഭക്ഷണങ്ങളെല്ലാം തന്നെ മുഖക്കുരുവിനുള്ള സാധ്യത വർധിപ്പിക്കുന്നതാണ്. ബര്ഗര്, പിസ, ഫ്രൈഡ് പൊട്ടാറ്റോ എന്നിവയെല്ലാം ഇതിനുദാഹരണമാണ്.
ഗ്ലൈസമിക് സൂചിക ഉയര്ന്ന ചില പഴങ്ങളും മുഖക്കുരുവിന് കാരണമായേക്കാം. പൈനാപ്പിള്, തണ്ണിമത്തൻ എന്നിവ ഇത്തരത്തിലുള്ള പഴങ്ങളാണ്. അതുപോലെ പല തരത്തിലുള്ള കേക്കുകള്, പേസ്ട്രികള്, കുക്കീസ്, ബിസ്കറ്റ് എന്നിവയും പരിമിതപ്പെടുത്തുകയോ ഒഴിവാക്കുകയോ ചെയ്യുകയാണ് ഏറ്റവും നല്ലത്.
ചിലരില് പാൽ കുടിക്കുന്നതും മുഖക്കുരുവിന് കാരണമാകാറുണ്ട്. പാല് മാത്രമല്ല, ആദ്യമേ സൂചിപ്പിച്ചത് പോലെ പാലുത്പന്നങ്ങളും മുഖക്കുരു വരുതിവെക്കാം. ഇത് ഇൻസുലിൻ- ആന്ഡ്രോജെൻ ഹോര്മോണുകളുടെ ഉത്പാദനം കൂട്ടുകയും അതുപോലെ തന്നെ ചര്മ്മത്തിലെ എണ്ണമയം ഉയര്ത്തുകയും ചെയ്യും. ഇതെല്ലം മുഖക്കുരുവിലേക്ക് നയിക്കാം.
ഈ ഭക്ഷണങ്ങളെല്ലാം എല്ലാവരിലും മുഖക്കുരു ഉണ്ടാക്കുന്നതല്ല. ചിലരില് ആദ്യമേ തന്നെ അതിനുള്ള സാധ്യതകള് ഉണ്ടായിരിക്കാം. അതുപോലെ ചില ഭക്ഷണങ്ങള് ചില വിഭാഗക്കാര്ക്ക് പ്രശ്നമാവുകയും അതുതന്നെ മറ്റുള്ളവര്ക്ക് പ്രശ്നമാകാതിരിക്കുകയും ചെയ്യാം.
പ്രതികരിക്കാൻ ഇവിടെ എഴുതുക