കല്പ്പറ്റ: ലോക്സഭ തിരഞ്ഞെടുപ്പ് പ്രചാരണത്തിനായി രാഹുല് ഗാന്ധി വീണ്ടും വയനാട്ടിലെത്തും. ഈ മാസം 15, 16 തീയതികളിലാണ് രാഹുല് മണ്ഡല പര്യടനം നടത്തുക. കോഴിക്കോട് റോഡ് ഷോയും തീരുമാനിച്ചിട്ടുണ്ട്.
15ന് രാവിലെ കണ്ണൂര് വിമാനത്താവളത്തിലെത്തുന്ന രാഹുല് ഗാന്ധി അന്ന് സുല്ത്താന് ബത്തേരി, മാനന്തവാടി, കല്പ്പറ്റ നിയോജകമണ്ഡലങ്ങളില് പര്യടനം നടത്തും. കോഴിക്കോട് കടപ്പുറത്ത് നടക്കുന്ന യുഡിഎഫ് റാലിയിലും പൊതുസമ്മേളനത്തിലും രാഹുല് ഗാന്ധി പങ്കെടുക്കും.
പുല്പ്പള്ളിയില് കര്ഷക സംഗമത്തിലും കല്പ്പറ്റയില് തൊഴിലാളി സംഗമത്തിലും രാഹുല് ഗാന്ധി പങ്കെടുക്കും. അന്ന് വൈകിട്ട് കോഴിക്കോട് കടപ്പുറത്ത് നടക്കുന്ന യുഡിഎഫ് റാലിയിലും പൊതുസമ്മേളനത്തിലും പങ്കെടുക്കുന്ന രാഹുല് ഗാന്ധി 16ന് രാവിലെ 9.30 മുതല് തിരുവമ്പാടി, ഏറനാട്, വണ്ടൂര്, നിലമ്പൂര് നിയോജക മണ്ഡലങ്ങളില് പര്യടനം നടത്തും.
സ്ഥാനാര്ത്ഥി പ്രഖ്യാപനത്തിന് ശേഷം ഏപ്രില് മൂന്നിനാണ് ആദ്യമായി രാഹുല് ഗാന്ധി മണ്ഡലത്തിലെത്തിയത്. പ്രിയങ്കാ ഗാന്ധിക്കൊപ്പമെത്തി രാഹുല് വന് റോഡ് ഷോയ്ക്ക് ശേഷമാണ് നാമനിര്ദേശ പത്രിക സമര്പ്പിച്ചത്. ബിജെപി സ്ഥാനാര്ഥിയായി സംസ്ഥാന അധ്യക്ഷന് കെ സുരേന്ദ്രനും എത്തിയതോടെ മത്സരം ഏറെ ശ്രദ്ധേയമായി.
പ്രതികരിക്കാൻ ഇവിടെ എഴുതുക