കണ്ണൂര്: ഗോ എയര് കണ്ണൂര് വിമാനത്താവളത്തില് നിന്ന് കൂടുതല് അന്താരാഷ്ട്ര സര്വീസുകള് നടത്താൻ തീരുമാനിച്ചു. മെയ് 31 മുതല് ആണ് സർവീസ് നടത്താൻ തീരുമാനിച്ചത്. മസ്കറ്റ്, അബുദാബി എന്നിവിടങ്ങളിലേക്കും തിരിച്ചും എല്ലാ ദിവസവും സര്വീസ് നടത്താനാണ് കമ്പനിയുടെ തീരുമാനം.
രാത്രി 8.55 ന് കണ്ണൂരിൽ നിന്നും മസ്കറ്റിലേക്ക് ഗോ എയർ വിമാനം സർവീസ് നടത്തുകയും തിരിച്ച് മസ്കറ്റില് നിന്നുള്ള വിമാനം പുലര്ച്ചെ 05.10 ന് കണ്ണൂരില് എത്തുന്ന രീതിയിലാണ് സര്വീസ് നടപ്പിലാക്കുന്നത്. കണ്ണൂരില് നിന്ന് വൈകിട്ട് 6.45 നാണ് അബുദാബിയിലേക്കുള്ള സര്വ്വീസ്. തിരിച്ച് അബുദാബിയില് നിന്നുളള വിമാനം പുലര്ച്ചെ 3.45 ന് കണ്ണൂരിലെത്തും.
നിലവില് കണ്ണൂരില് നിന്നുളള ഗോ എയറിന്റെ സര്വീസുകള് മസ്കറ്റിലേക്ക് ആഴ്ചയില് ബുധന്, വെളളി, ഞായര്, ദിവസങ്ങളിലും അബുദാബിയിലേക്ക് തിങ്കള്, ചൊവ്വ, വ്യാഴം, ശനി ദിവസങ്ങളിലുമാണ്.
പ്രതികരിക്കാൻ ഇവിടെ എഴുതുക