കാര്ഡിഫ്: ലോകകപ്പിന് മുന്നോടിയായുള്ള അവസാന സന്നാഹ മത്സരത്തില് ബംഗ്ലാദേശിനെതിരെ ഇന്ത്യക്ക് തകര്പ്പന് വിജയം. കോലിപ്പട ഉയര്ത്തിയ 360 റണ്സ് കൂറ്റന് വിജയലക്ഷ്യത്തിന് മുന്നില് ബംഗ്ലാദേശ് 95 റണ്സിനു പരാജയമേറ്റുവാങ്ങി. എം എസ് ധോണിയുടെയും കെ എല് രാഹുലിന്റെയും സെഞ്ചുറി ഇന്ത്യയ്ക്ക് കൂറ്റന് സ്കോര് സമ്മാനിച്ചു. മൂന്ന് വിക്കറ്റ് പ്രകടനവുമായി റിസ്റ്റ് സ്പിന്നര്മാരായ കുല്ദീപും ചാഹലും ഇന്ത്യന് വിജയത്തില് നിര്ണായക പങ്കുവഹിച്ചു.
ബംഗ്ലാദേശിന് മികച്ച തുടക്കം ലഭിച്ചെങ്കിലും മുതലാക്കാനായില്ല. ഓപ്പണര്മാരായ സൗമ്യ സര്ക്കാരും(25) ലിറ്റണ് ദാസും(73 തിളങ്ങി. പിന്നീടുവന്നവരില് വിക്കറ്റ് കീപ്പര് മുഷ്ഫിഖുര് റഹീം മാത്രമാണ് തിളങ്ങിയത്. ഷാക്കിബിനെ ബുംറയും മിഥുനെ ചാഹലും ഗോള്ഡണ് ഡക്കാക്കി. മഹമ്മദുള്ള(9), സാബിര്(7), ഹൊസൈന്(0) എന്നിങ്ങനെയായിരുന്നു മറ്റുള്ളവരുടെ സ്കോര്. 94 പന്തില് 90 റണ്സെടുത്ത് മുഷ്ഫിഖുര് ആറാമനായി പുറത്തായതോടെ ബംഗ്ലാദേശ് പരാജയമുറപ്പിച്ചു.
പ്രതികരിക്കാൻ ഇവിടെ എഴുതുക