കൊച്ചി: ഒരു വർഷത്തെ ഇടവേളയ്ക്ക് സംസ്ഥാനത്തെ ആശങ്കയിലാഴ്ത്തി വീണ്ടും നിപ വൈറസ് ബാധ സ്ഥിരീകരിച്ചു. ആരോഗ്യമന്ത്രി കെകെ ഷൈലജ ടീച്ചറാണ് സംസ്ഥാനത്ത് വീണ്ടും നിപ സാന്നിധ്യം സ്ഥിരീകരിച്ചതായി അറിയിച്ചത്. വടക്കര് പറവൂര് സ്വദേശിയും തൊടുപുഴയില് ഒരു സ്വകാര്യ കോളേജിലെ എഞ്ചിനീയറിംഗ് വിദ്യാര്ത്ഥിയുമായ 21-കാരനിലും നിപ വൈറസിന്റെ സാന്നിധ്യം കണ്ടെത്തിയത്. കടുത്ത പനിയെ തുടര്ന്ന് കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ച വിദ്യാര്ത്ഥിയുടെ സാംപിളുകള് ഡോക്ടര്മാര് സംശയം തോന്നിയതിനെ തുടര്ന്ന് പരിശോധയനയ്ക്ക് അയച്ചതോടെ സംസ്ഥാനത്ത് ഭീതിയിലാഴ്ത്തി വീണ്ടും നിപ വൈറസ് സാന്നിധ്യം തെളിഞ്ഞത്.
ആലപ്പുഴയില് വൈറോളജി ലാബില് ആദ്യപരിശോധനയില് രോഗിയില് നിപ വൈറസിന്റെ സാന്നിധ്യം കണ്ടെത്തിയിരുന്നു. ഇതോടെ സംസ്ഥാനത്ത് യുദ്ധകാലടിസ്ഥാനത്തില് നിപ വൈറസ് പ്രതിരോധപ്രവര്ത്തനങ്ങള് ആരംഭിച്ചു. 21-കാരനുമായി അടുത്ത് ഇടപഴകിയ അന്പതോളം പേരെ കണ്ടെത്തി. ഇവരെ കോണ്ടാക്ട് ലിസ്റ്റില് ഉള്പ്പെടുത്തി നിരീക്ഷിച്ചു വരികയാണ്. വിദ്യാര്ത്ഥി കഴിഞ്ഞ രണ്ടാഴ്ചയ്ക്കിടെ സഞ്ചരിച്ച സ്ഥലങ്ങളിലും അടുത്ത് ഇടപഴകിയ ആളുകളേയും കണ്ടെത്താനുള്ള ശ്രമം തുടരുകയാണ്. ഇതോടെ കോണ്ടാക്ട് ലിസ്റ്റില് കൂടുതല് പേര് വന്നേക്കും.
കഴിഞ്ഞ വര്ഷം കോഴിക്കോട് നിപ ബാധയെ നേരിട്ട അതേ രീതിയില് വ്യക്തമായ പ്രോട്ടോകോളോട് കൂടിയാവും നിപ നേരിടുക. ഇതിനായി കൊച്ചിയില് കണ്ട്രോള് റൂം സജ്ജമാക്കിയിട്ടുണ്ട്. നിപ ബാധിതര്ക്ക് നല്കാനായി എതാണ്ട് 4000 ത്തോളം ഗുളികകള് കേരളത്തില് സ്റ്റോക്കുണ്ടെന്നും, ആസ്ട്രേലിയയില് നിന്നും കഴിഞ്ഞ വര്ഷം കേരളത്തില് എത്തിച്ച മരുന്നും സ്റ്റോക്കുണ്ട്. നിപ ബാധ സ്ഥിരീകരിച്ച സ്ഥിതിക്ക് ഈ മരുന്നും രോഗിക്ക് നല്കിയേക്കും എന്നും അറിയിച്ചു.
പ്രതികരിക്കാൻ ഇവിടെ എഴുതുക