തൃശ്ശൂര്: പാവറട്ടിയില് എക്സൈസിന്റെ കസ്റ്റഡിയില് യുവാവ് മരിച്ച സംഭവത്തില് ഉദ്യോഗസ്ഥര്ക്കെതിരെ പൊലീസ് കേസെടുത്തു കൊല്ലപ്പെട്ട രഞ്ജിത്തിനെ കസ്റ്റഡിയില് എടുത്ത എക്സൈസ് ഉദ്യോഗസ്ഥര്ക്കെതിരെ കൊലക്കുറ്റത്തിനാണ് പൊലീസ് കേസെടുത്തത്.
യുവാവ് മരിച്ചത് മര്ദ്ദനത്തെതുടര്ന്നാണെന്ന പോസ്റ്റ്മോര്ട്ടം കഴിഞ്ഞ ദിവസം പുറത്തുവന്നിരുന്നു. പോസ്റ്റ്മോര്ട്ടം റിപ്പോര്ട്ട് ലഭിച്ചതോടെയാണ് പൊലീസ് തുടര്നടപടികള് ആരംഭിച്ചത്.
എക്സൈസ് ഉദ്യോഗസ്ഥര് ആരൊക്കെയാണെന്ന് തിരിച്ചറിയാന് പൊലീസ് എക്സൈസില് നിന്നും വിവരങ്ങള് ശേഖരിച്ചു കൊണ്ടിരിക്കുകയാണ്.
ഗുരുവായൂര് എ.സി.പിയുടെ നേതൃത്വത്തിലുള്ള പ്രത്യേക അന്വേഷണസംഘമായിരിക്കും കേസ് അന്വേഷിക്കുക.
ഉദ്യോഗസ്ഥര്ക്കതിരെ വകുപ്പുതല നടപടി സ്വീകരിക്കാന് അഡീഷണല് എക്സൈസ് കമ്മീഷണറും ശുപാര്ശ ചെയ്തിട്ടുണ്ട്. ആരോപണവിധേയരായവരെ സര്വീസില് നിന്നും ഉടനെ സസ്പെന്ഡ് ചെയ്യുമെന്നാണ് വിവരം.
പ്രതികരിക്കാൻ ഇവിടെ എഴുതുക