ചെന്നൈ: ആരണിയില് ഹോട്ടലില് നിന്ന് ബിരിയാണി കഴിച്ച പത്തുവയസ്സുകാരി മരിച്ചു. ലക്ഷ്മി നഗര് സ്വദേശി ആനന്ദന്റെ മകള് ലോഷിണിയാണ് (10) മരിച്ചത്.
ഇതേ ഹോട്ടലില് നിന്ന് ഭക്ഷണം കഴിച്ച 29 പേരെ ഛര്ദിയും വയറിളക്കവും മറ്റ് ശാരീരികാസ്വസ്ഥതകളുമായി ആശുപത്രിയില് പ്രവേശിപ്പിച്ചതായും റിപ്പോര്ട്ടുകള് പറയുന്നു.
ആരണി പഴയ ബസ് സ്റ്റാന്ഡിന് സമീപമുള്ള സെവന് സ്റ്റാര് ഹോട്ടലില് നിന്നാണ് ഇവര് ഭക്ഷണം കഴിച്ചത്.
ബിരിയാണിയും ചിക്കനുമാണ് ഇവര് കഴിച്ചത്. വീട്ടിലെത്തിയപ്പോള് ഛര്ദിയും തലകറക്കവുമുണ്ടായി. ഉടന് ആരണി സര്ക്കാര് ജനറല് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
കുടുംബത്തിലെ മറ്റ് മൂന്നുപേരും ഹോട്ടലില്നിന്ന് ഭക്ഷണം കഴിച്ച ആളുകളും ശാരീരികാസ്വസ്ഥതയെ തുടര്ന്ന് ആശുപത്രിയില് ചികിത്സ തേടി.
പ്രതികരിക്കാൻ ഇവിടെ എഴുതുക