കണ്ണാറ ഒരപ്പൻ കെട്ടിൽ കുടുംബത്തോടും ബന്ധുക്കളോടുമൊപ്പം അവധി ആഘോഷിക്കാനെത്തിയ വിദ്യാർഥിനി കയത്തിൽ വീണ് മരിച്ചു. മണ്ണുത്തി പൊറത്തൂർ പള്ളിക്കുന്നത്ത് ഷൈജുവിന്റെ മകൾ ഡാരസ് മരിയ (16) യാണു മരിച്ചത്. ഡാരസിനോടൊപ്പം കയത്തിൽ വീണു പരുക്കേറ്റ അഗളി ജെല്ലിപ്പാറ എട്ടിയാട്ട് പറമ്പിൽ നിഷാദിന്റെ മകൻ റയാൺ (5) അപകടനില തരണം ചെയ്തു.
വെള്ളിയാഴ്ച വൈകിട്ട് 4.30നാണ് അപകടമുണ്ടായത്. കുട്ടികൾ കളിക്കുന്നതിനിടെ കാൽ വഴുതി കയത്തിലേക്ക് വീഴുകയായിരുന്നു. കൂടെയുണ്ടായിരുന്നവരുടെ കരച്ചിൽ കേട്ട് പരിസരത്തുണ്ടായിരുന്നവർ ഒാടിയെത്തിയാണ് കയത്തിൽ നിന്നും കുട്ടികളെ കയറ്റിയത്. ഉടൻ ആശുപത്രിയിലെത്തിച്ചെങ്കിലും ഡാരസിനെ രക്ഷിക്കാനായില്ല.
പ്രതികരിക്കാൻ ഇവിടെ എഴുതുക