നാളെ മുതല് സംസ്ഥാനത്തെ സ്്കൂളുകളിലെ 10, 11, 12 ക്ലാസുകള് മുഴുവന് സമയ ടൈം ടേബിളിലേക്ക് മാറുന്നു. പൊതുപരീക്ഷ കണക്കിലെടുത്താണ് രാവിലെ മുതല് വൈകുന്നേരം വരെ ക്ളാസുകള് പ്രവര്ത്തിക്കുകയെന്ന് വിദ്യാഭ്യാഭ്യാസമന്ത്രി വി.ശിവന്കുട്ടി അറിയിച്ചു. ഒന്നു മുതല് ഒന്പതു വരെയുള്ള ക്്ളാസുകളുടെ പ്രവര്ത്തനത്തിന് പ്രത്യേകമാര്ഗരേഖ നാളെ പുറത്തിറക്കും.
നീണ്ട ഇടവേളക്ക് ശേഷമാണ് സംസ്ഥാനത്തെ സ്്കൂളുകള് ഭാഗികമായെങ്കിലും കോവിഡിന് മുന്പുള്ള സമയക്രമത്തിലേക്ക് മാറുന്നത്. പൊതുപരീക്ഷയുള്ള 10,11, 12 ക്്ളാസുകളുടെ പ്രവര്ത്തനസമയം രാവിലെ മുതല് വൈകിട്ടുവരെയായി ക്രമീകരിക്കും. പൊതു പരീക്ഷക്കുള്ള തയാറെടുപ്പെന്ന രീതിയിലാണ് തീരുമാനം.
പാഠഭാഗങ്ങള്പഠിപ്പിച്ചു തീര്ക്കുക, മോഡല് പരീക്ഷക്ക് കുട്ടികളെ തയ്യാറാക്കുക എന്നിവയാണ് ലക്ഷ്യം. പൊതു പരീക്ഷക്കു മുന്പ് എല്ലാ പാഠഭാഗങ്ങളും പഠിപ്പിച്ചു തീര്ക്കുക, റിവിഷന് പൂര്ത്തിയാക്കുക, കഴിയുന്നത്ര പ്രാക്ടിക്കലുകള് നല്കുക എന്നിവക്കാണ് മുന്ഗണന നല്കുന്നത്. ഫോക്കസ് ഏരിയക്ക് പുറത്തു നിന്നുള്ള ചോദ്യങ്ങള്വന്നാലും പ്രയാസം കൂടാതെ ഉത്തരമെഴുതാന്കുട്ടികളെ പരിശീലിപ്പിക്കും.
പ്രതികരിക്കാൻ ഇവിടെ എഴുതുക