19-കാരിയെ കൊലപ്പെടുത്തിയത് വേശ്യാവൃത്തിക്ക് സമ്മതിക്കാത്തതിനാലെന്ന് ആരോപണങ്ങള്. ഇക്കാര്യം ശരിവെക്കുന്ന തെളിവുകള് പുറത്ത്.
റിസോര്ട്ടിലെ റിസപ്ഷനിസ്റ്റായ യുവതി സുഹൃത്തിനയച്ച വാട്സാപ്പ് സന്ദേശം പോലീസ് കണ്ടെടുത്തു. ‘അവര് എന്നെ വേശ്യയാക്കി മാറ്റാന് ശ്രമിക്കുന്നു’ വെന്ന് പെണ്കുട്ടിയുടെ ഫോണില് നിന്ന് സുഹൃത്തിന് വന്ന ഒരു സന്ദേശത്തില് പറയുന്നതായി പോലീസ് വ്യക്തമാക്കുന്നു .
ഉത്തരാഖണ്ഡ് ബിജെപി നേതാവ് വിനോദ് ആര്യയുടെ മകന് പുല്കിത് ആര്യയാണ് കേസിലെ മുഖ്യപ്രതി. പുല്കിത് ആര്യയുടെ ഉടമസ്ഥതയിലുള്ള റിസോര്ട്ടിലെ റിസപ്ഷനിസ്റ്റായിരുന്നു പെണ്കുട്ടി.ഇയാളും റിസോര്ട്ടിലെ രണ്ടു ജീവനക്കാരും ചേര്ന്നാണ് പെണ്കുട്ടിയെ കൊലപ്പെടുത്തിയതെന്ന് റിപ്പോർട്ട്.
റിസോര്ട്ടിലെത്തുന്ന വിഐപി അതിഥികള്ക്ക് പ്രത്യേക സേവനം നല്കാന് അവര് തന്നെ നിര്ബന്ധിപ്പിക്കുന്നുവെന്ന് പെണ്കുട്ടി സുഹൃത്തിനയച്ച സന്ദേശത്തില് പറയുന്നു. പ്രചരിക്കുന്ന സന്ദേശങ്ങള് പെണ്കുട്ടി അയച്ചത് തന്നെയാണെന്ന് പ്രാഥമിക അന്വേഷണത്തില് വ്യക്തമായതായി പോലീസ് പറഞ്ഞു.
പ്രതികരിക്കാൻ ഇവിടെ എഴുതുക