തുളസി വിത്ത് പാനീയം അല്ലെങ്കിൽ ബേസിൽ സീഡ് ഡ്രിങ്ക് എന്നൊക്കെ അറിയപ്പെടുന്ന ബേസിൽ സീഡ് വാട്ടർ, തുളസി വിത്തുകൾ വെള്ളത്തിൽ കുതിർത്ത് ഉണ്ടാക്കുന്ന ഒരു പാനീയമാണ്. ബേസിൽ വിത്ത് വെള്ളം ആരോഗ്യകരവും പോഷകപ്രദവുമാണ്. ഇതിന്റെ ഗുണങ്ങൾ അറിയാം
പോഷകങ്ങളുടെ നല്ല ഉറവിടമാണ് തുളസി വിത്തുകള്. നമ്മുടെ മൊത്തത്തിലുള്ള ആരോഗ്യത്തിന് ഗുണം ചെയ്യുന്ന വിറ്റാമിനുകൾ (വിറ്റാമിൻ കെ പോലുള്ളവ), ധാതുക്കൾ (കാത്സ്യം പോലുള്ളവ), തുടങ്ങിയ അവശ്യ പോഷകങ്ങൾ തുളസി വിത്തുകളിൽ അടങ്ങിയിട്ടുണ്ട്.
തുളസി വിത്ത് വെള്ളം കുടിക്കുന്നത് നമ്മുടെ ശരീരത്തിലെ ദ്രാവകത്തിന്റെ അളവ് നിറയ്ക്കാനും നിര്ജ്ജലീകരണത്തെ തടയാനും സഹായിക്കും. ആരോഗ്യകരമായ ശാരീരിക പ്രവർത്തനങ്ങൾ നിലനിർത്തുന്നതിന് ശരിയായ ജലാംശം നിർണായകമാണ്.
തുളസി വിത്ത് വെള്ളം കുടിക്കുന്നത് ദഹനം മെച്ചപ്പെടുത്താനും സഹായിക്കും. മലബന്ധം തടയാനും ഇവ ഗുണം ചെയ്യും.
ഫൈബര് ധാരാളം അടങ്ങിയ തുളസി വിത്ത് വെള്ളം കുടിക്കുന്നത് വിശപ്പ് കുറയ്ക്കാന് സഹായിക്കും. അതുവഴി ശരീരഭാരം നിയന്ത്രിക്കാനും കഴിയും.
തുളസി വിത്ത് വെള്ളം പതിവായി കുടിക്കുന്നത് പ്രമേഹത്തെ നിയന്ത്രിക്കാനും സഹായിക്കും.
ഇവ പതിവായി കുടിക്കുന്നത് കൊളസ്ട്രോള് കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.
പ്രതികരിക്കാൻ ഇവിടെ എഴുതുക