നൃത്തത്തിലൂടെ ഫലപ്രദമായി ശരീരഭാരത്തെ നിയന്ത്രിക്കാന് കഴിയുമെന്ന് പുതിയ പഠനം. ചൈനയിലെ ഹൂനാന് സര്വകലാശാല നടത്തിയ പഠനത്തില് ആണ് ഇക്കാര്യം പറയുന്നത്.
നൃത്തം ചെയ്യുന്നത് ശരീരത്തിലെ കൊഴുപ്പ് കുറയ്ക്കുമെന്ന് പഠനത്തില് പറയുന്നു. ശരീരികാരോഗ്യം മെച്ചപ്പെടുത്തുന്നതിനൊപ്പം മാനസികാരോഗ്യം മെച്ചപ്പെടുത്തുന്നതിനും നൃത്തം വലിയ പങ്കുവഹിക്കുന്നതായി പ്ലോസ് വണ് ജേണലില് പ്രസിദ്ധീകരിച്ച റിപ്പോര്ട്ടില് പറയുന്നു.
വ്യായാമം ചെയ്യാത്തവരെ അപേക്ഷിച്ച് നൃത്തം ചെയ്യുന്നവരില് രക്തസമ്മര്ദം നിയന്ത്രണവിധേയമാവുകയും ഫിറ്റ്നസ് നിലനിര്ത്താന് കഴിയുകയും വൈജ്ഞാനിക പ്രവര്ത്തനങ്ങള് മെച്ചപ്പെടുകയും ചെയ്യുമെന്ന് ഗവേഷകര് പറയുന്നു.
45 വയസിനു താഴെയുള്ളവരിലാണ് നൃത്തം കൂടുതല് ഫലപ്രദമാവുക. നൃത്തത്തിന്റെ പലവിഭാഗങ്ങള് എങ്ങനെയാണ് വണ്ണം കുറയ്ക്കുന്നതില് ഗുണം ചെയ്യുകയെന്നും പഠനത്തില് വിശദീകരിക്കുന്നു. പരമ്പരാഗത നൃത്തങ്ങളെ അപേക്ഷിച്ച് സുംബ പോലുള്ളവയാണ് വണ്ണം കുറയ്ക്കാന് കൂടുതല് സഹായിക്കുകയെന്നും പഠനത്തില് വ്യക്തമാക്കുന്നു.
പ്രതികരിക്കാൻ ഇവിടെ എഴുതുക