ആം ആദ്മി പാർട്ടി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാളിന്റെ വീട്ടിൽ ക്രൈം ബ്രാഞ്ച് സംഘം എത്തി. ബിജെപി നേതാക്കൾ 25 കോടി കോഴ നൽകി ആം ആദ്മി നേതാക്കളെ സ്വാധീനിക്കാൻ ശ്രമിച്ചുവെന്ന് ആരോപണത്തിലാണ് അന്വേഷണം നടക്കുന്നത്. ആരോപണത്തില് നോട്ടീസ് നല്കാന് ഡല്ഹി പൊലീസിന്റെ ക്രൈംബ്രാഞ്ച് സംഘം കെജ്രിവാളിന്റെ വസതിയിലെത്തി. എഎപി എംഎല്എമാരെ ബിജെപി പ്രലോഭിപ്പിച്ചെന്ന കെജ്രിവാളിന്റെ ആരോപണത്തില് അന്വേഷണം വേണമെന്ന് ആവശ്യപ്പെട്ട് ബിജെപി പ്രതിനിധി സംഘം പൊലീസ് കമ്മീഷണറെ കണ്ടതിന് പിന്നാലെയാണ് ക്രൈംബ്രാഞ്ചിന്റെ നടപടി.
ആരോപണത്തില് പ്രത്യേക അന്വേഷണ സംഘത്തിന്റെ അന്വേഷണം നടത്തണമെന്ന് ബിജെപി പ്രതിനിധികള് ആവശ്യപ്പെട്ടിരുന്നു. കെജ്രിവാള് സര്ക്കാരിനെ താഴെയിറക്കുമെന്ന് ഭീഷണിപ്പെടുത്തി പാര്ട്ടി വിടാന് ഏഴ് എംഎല്എമാര്ക്ക് ബിജെപി 25 കോടി വീതം വാഗ്ദാനം ചെയ്തുവെന്ന് ഡല്ഹി മന്ത്രി അതിഷിയാണ് കഴിഞ്ഞയാഴ്ച ആരോപിച്ചത്. പാര്ട്ടി എംഎല്എമാരില് ഒരാളുമായി ബന്ധപ്പെട്ടയാളുടെ റെക്കോര്ഡിംഗ് ലഭ്യമാണെന്നും അത് പിന്നീട് കാണിക്കുമെന്നും അവര് അവകാശപ്പെട്ടിരുന്നു.
പ്രതികരിക്കാൻ ഇവിടെ എഴുതുക