വണ്ണം കുറയ്ക്കാൻ ശ്രമിക്കുന്നവര്ക്ക് ഡയറ്റിലുള്പ്പെടുത്താവുന്ന ക്യാരറ്റ് കൊണ്ടുള്ള മികച്ച സലാഡുകളെ കുറിച്ച് അറിഞ്ഞിരിക്കാം. ക്യാരറ്റ് ആണ് ഈ സലാഡുകളുടെയെല്ലാം പ്രധാന ചേരുവ. ഫൈബറിനാല് സമ്പന്നവും അതേസമയം കലോറി വളരെ കുറഞ്ഞതുമായ ക്യാരറ്റിനെ വെയിറ്റ് ലോസ് ഡയറ്റിലുള്പ്പെടുത്താം.
ക്യാരറ്റ്- കുക്കുമ്പര് സലാഡ്.
ഇതിനായി ഇഷ്ടമുള്ള രീതിയില് ക്യാരറ്റും കുക്കുമ്പറും മുറിച്ചെടുക്കാം. ഡ്രസിംഗിന് വേണ്ടി ചെറുനാരങ്ങാനീരോ, വിനാഗിരിയോ, തേനോ. ഒലിവ് ഓയിലോ എന്ത് വേണമെങ്കിലും ഉപയോഗിക്കാം. കൂട്ടത്തില് ആവശ്യത്തിന് ഉപ്പും കുരുമുളകും. ആവശ്യമെങ്കില് മല്ലിയിലയും ചേർത്ത് കൊടുക്കാം.
സ്പൈസി ക്യാരറ്റ് -ടൊമാറ്റോ സലാഡ്
അല്പം എരിവൊക്കെ ഇഷ്ടമുള്ളവര്ക്ക് രസിക്കുന്ന സലാഡ് ആണ് അടുത്തത്. സ്പൈസി ക്യാരറ്റ് -ടൊമാറ്റോ സലാഡ്. പേര് പോലെ തക്കാളിയാണ് ക്യാരറ്റിനെ കൂടാതെ ഈ സലാഡില് പ്രധാന ചേരുവയായി ചേര്ക്കുന്നത്.
ഗ്രേറ്റ് ചെയ്ത ക്യാരറ്റിനൊപ്പം ചെറിയ കഷ്ണങ്ങളാക്കി മുറിച്ച തക്കാളിയും ചേര്ക്കണം. ഇനി ഇതിലേക്ക് പച്ചമുളക് ചെറുതായി അരിഞ്ഞതും, മുളകുപൊടിയും ചേർത്ത് കൊടുക്കാം. ആവശ്യത്തിന് ഉപ്പും. ചെറുനാരങ്ങാനീര്, ചാട്ട് മസാല, ജീരകപ്പൊടി, ഓയില് എന്നിങ്ങനെ ഇഷ്ടമുള്ള ഐറ്റംസ് ഡ്രസിംഗായി ഉപയോഗിക്കാം.
ക്യാരറ്റ്- ബീറ്റ്റൂട്ട് സാലഡ്
ക്യാരറ്റിനൊപ്പം തന്നെ എപ്പോഴും നമ്മൾ പറയാറുള്ളൊരു പച്ചക്കറിയാണ് ബീറ്റ്റൂട്ട്. ക്യാരറ്റും ബീറ്റ്റൂട്ടും ഒരുമിച്ചൊരു സലാഡാണ് അടുത്തത്. ആന്റി-ഓക്സിഡന്റ്സ്, മറ്റ് വിവിധ പോഷകങ്ങള് എന്നിവയാലെല്ലാം സമ്പന്നമാണ് ഈ സലാഡ്. തുല്യ അളവില് ക്യാരറ്റും ബീറ്റ്റൂട്ടും ഗ്രേറ്റ് ചെയ്തെടുത്തോ, ചെറുതായി മുറിച്ചോ എടുത്ത് ഇതിലേക്ക് ചെറുനാരങ്ങാനീരോ വിനാഗിരിയോ ഡ്രെസിംഗായി ചേര്ക്കാം. ഒപ്പം ഒലീവ് ഓയിലും, ആവശ്യത്തിന് ഉപ്പും കുരുമുളകും.
പ്രതികരിക്കാൻ ഇവിടെ എഴുതുക