പാലക്കാട് നഗരസഭ വളപ്പിലെ ഗാന്ധി പ്രതിമയില് ബിജെപി പതാക കെട്ടിയ സംഭവത്തില് പ്രതിയെ തിരിച്ചറിയാനാകാതെ പൊലീസ്. നഗരസഭയിലെ സിസിടിവിയില് നിന്നും കഴിഞ്ഞ ദിവസം കൊടി കെട്ടിയ ആളുടെ ദൃശ്യങ്ങള് ലഭിച്ചിരുന്നു. നഗരസഭ വളപ്പിലെ ഗാന്ധി പ്രതിമയില് ബിജെപിയുടെ കൊടി കണ്ടത്
തിങ്കളാഴ്ച്ച രാവിലെയാണ്. ഒരു യുവാവ് രാത്രിയോടെ കൊടികെട്ടുന്ന ദൃശ്യങ്ങളും പുറത്തു വന്നു. ഇയാളെ തിരിച്ചറിയാന് പൊലീസിന് കഴിഞ്ഞിട്ടില്ല.
നിയമസഭ തെരഞ്ഞെടുപ്പില് മത്സരിക്കുമെന്ന സൂചന നല്കി മുന് ഡിജിപി ജേക്കബ് തോമസ്
പൊലീസിന്റെ പ്രാഥമിക നിഗമനം, കൃത്യമായ ഉദ്ദേശത്തോടെ തന്നെ ഗാന്ധിയുടെ കഴുത്തില് ബിജെപിയുടെ കൊടി കെട്ടി എന്ന് തന്നെയാണ്. രൂപസാദൃശ്യമുള്ള ചിലരെ കേന്ദ്രീകരിച്ച് അന്വേഷണം നടത്തിയെങ്കിലും ഫലമുണ്ടായില്ല. സംഭവത്തിനെതിരെ പ്രതിഷേധം തുടര്ന്നു കൊണ്ടേയിരിക്കുകയാണ്. ഇന്നലെ ഗാന്ധി പ്രതിമയ്ക്ക് മുന്പില് എംഎസ്എഫ് പ്രവര്ത്തകര് പ്രതിഷേധിക്കാനെത്തി. ബിജെപി തന്നെയാണ് മഹാത്മാവിന്റെ പ്രതിമയില് കൊടികെട്ടിയതെന്ന് സിപിഐഎമ്മും കോണ്ഗ്രസും ആരോപിക്കുന്നു.
പ്രതികരിക്കാൻ ഇവിടെ എഴുതുക