തിരുവനന്തപുരം: ഇന്ധന വിലകുതിക്കുന്ന സാഹചര്യത്തില് ബസ്സ്നിരക്ക് വര്ധിപ്പിക്കണമെന്നാവശ്യപ്പെട്ട് സംസ്ഥാനത്തെ സ്വകാര്യ ബസുകള് അനിശ്ചിതകാല സമരത്തിലേക്ക്. മിനിമം ചാര്ജ് പന്ത്രണ്ട് രൂപയെങ്കിലുമാക്കണമെന്നാണ് ബസുടമകളുടെ ആവശ്യം.
കോവിഡ് കാലത്ത് യാത്രക്കാര്ക്ക് നിയന്ത്രണമേര്പ്പെടുത്തിയത് കണക്കിലെടുത്ത് കിലോമീറ്ററിന് 20 പൈസ കൂട്ടിയെങ്കിലും അത് പര്യാപ്തമല്ലെന്നാണ് ബസുടമകള് പറയുന്നത്.വിദ്യാര്ത്ഥികളുടെ മിനിമം യാത്രാ നിരക്ക് 6 രൂപയാക്കുക, നികുതിയിളവ് നല്കുക തുടങ്ങിയ ആവശ്യങ്ങളും ബസുടമകള് മുന്നോട്ട് വെക്കുന്നത്.
സ്പെയര് പാര്ട്സുകള്ക്ക് വില കൂടിയതും, ഇന്ഷുറന്സ് തുക വര്ധിച്ചതും കണക്കിലെടുത്ത് ജസ്റ്റിസ് രാമചന്ദ്രന് കമ്മീഷന് നല്കിയിരിക്കുന്ന ശിപാര്ശ അടിയന്തരമായി നടപ്പാക്കണമെന്നും ബസുടമകള് ആവശ്യപ്പെടുന്നു.
പ്രതികരിക്കാൻ ഇവിടെ എഴുതുക