കണ്ണൂർ: ശബരിമലയിലെത്താനുള്ള രേഷ്മാ നിഷാന്തിന്റെ മോഹം വീണ്ടും തകര്ന്നടിഞ്ഞു. ഏതു രണ്ടാം തവണയാണ് കണ്ണൂര് ഇരിണാവ് സ്വദേശി രേഷ്മയ്ക്ക് ശബരിമല ദർശനം നടത്താൻ കഴിയാതെ മടങ്ങേണ്ടി വന്നത്. കണ്ണൂരിലെ ഒരു കോളേജില് കപ്യൂട്ടര് സയന്സ് അദ്ധ്യാപികയാണ് രേഷ്മ. ഭര്ത്താവ് നിഷാന്ത് കോപ്പറേറ്റീവ് ബാങ്ക് ഉദ്യോഗസ്ഥനുമാണ്.
കോടതി വിധി അനുകൂലമായ നിലവിലെ സാഹചര്യത്തില് അയ്യപ്പനെ കാണാന് പോകണമെന്ന് അതിയായ ആഗ്രഹമുണ്ട്. വിപ്ലവമായിട്ടല്ലെങ്കില് കൂടിയും, ഇന്ന് ഒരു വിശ്വാസി അതിന് തയ്യാറാവുക എന്നത് നാളെ ലക്ഷക്കണക്കിന് വരുന്ന വിശ്വാസികള്ക്ക് ശബരിമല കയറാനുള്ള ഊര്ജമാവും എന്ന് തന്നെ കരുതുന്നു. ആര്ത്തവത്തെക്കുറിച്ചുള്ള ചോദ്യം പ്രതീക്ഷിക്കുന്നതു കൊണ്ടു തന്നെ, വിയര്പ്പുപോലെ, മലമൂത്ര വിസര്ജ്യം പോലെ ശരീരത്തിന് ആവശ്യമില്ലാത്ത പുറം തള്ളല് മാത്രമായി അത് കാണുന്നതു കൊണ്ടു തന്നെ പൂര്ണ ശുദ്ധിയോടു കൂടി തന്നെ വ്രതം പൂര്ത്തിയാക്കാന് കഴിയുമെന്ന് ഞാന് വിശ്വസിക്കുന്നു.. എന്നായിരുന്നു രേഷ്മാ നിഷാന്ത് പ്രതികരിച്ചിരുന്നത്.
പ്രതികരിക്കാൻ ഇവിടെ എഴുതുക